Lazizbek Hamidov 1989-yilda Namangan viloyatining Uchqo‘rg‘on tumanida tug‘ilgan. 2006–2010-yillarda O‘zbekiston Milliy universitetida jurnalistika bo‘yicha tahsil olgan. Universitetdan keyin „Soliq info“ va „XXI asr“ gazetalarida, so‘ngra O‘zbekiston milliy axborot agentligida (O‘zA) ishlagan.
2014-yilda jurnalistikani tark etib, dizaynni o‘rganishga kirishgan. Kompyuter grafikasi bo‘yicha „Tasnif“ dizayn studiyasi va shu nomdagi maktabga asos solgan; 2022-yilgi intervyusida studiyada 15–20 kishi ishlagani va oylik aylanma 300–400 million so‘mga yetgani aytilgan. YouTube’dagi „Ular“ loyihasining muallifi va boshlovchisi, shuningdek „Bemalol“ podkasti bilan bog‘liq. Telegram-kanalida ta’lim, transport, shaharsozlik, iqtisodiyot va texnologiyalar haqida sharhlar yozadi.
Lolazorda birinchi mavsumdan buyon rezident; podkastdagi ta’lim, dizayn, YouTube va shahar hayoti mavzularida ko‘proq so‘z oladi.
